حقي ازعل ولا لا
انا منفصله بقالي ٦ سنوات ومعايا بنت وولد وابويا مديني اوضه من البيت حاطه فيها حاجتي كلها وبوتوجاز صغير والاطباق والحلل وبنام فيها عيشتنا كلها فيها بندخل الحمام بس ونرجع تاني ع الاوضه.
لما جيت عندهم حكم عليا قالي اعتبري نفسك مأجره الاوضه واكلك وعشتك لوحدها وبدفع ١٠٠ جنيه كهربا ومياه.
انا بشتغل اي حاجه يعني مليش دخل ثابت والحاله ع قدها اوي اوي.
النهارده العيد وانا الحمد لله مجبتش لحمه خالص وعملت شويه مكرونه وحمرت بطاطس وهما لاقيتهم بيعملو كبده الصبح فبنتي بتقولي ماما متزعليش والنبي مني انا نفسي اكل كبده فقلت اخلي نفسي معنديش ډم واخش اقعد شويه علشان لما يحطو الاكل اقعد العيال حتي ياكلو فضلت قاعده يجي ساعه ومحطوش حاجه فروحت قايمه لقيتهم حاطو الاكل وبياكلو انا استحقرت نفسي اني عملت نفسي معنديش ډم ودخلت بس كلمة بنتي وجعتني وفضلت اعيط.
انا كدا ازعل ولا دا حقهم مع العلم هما طول عمرهم شداد من قبل متجوز وقلت هتجوز واترحم طلعت جوازه سوده ورجعت تاني
يعني عريس جه كبير عني خاااالص وجاب وهو داخل جاتوه وشوكولاته لما مشي دخلو الحاجه عندهم ومدنيش حته فدخلت لأمي قلتلها والنبي اديني حتة جاتوه للعيال قالتلي ابوكي قال مادام موافقتيش ع العريس متخديش حاجه قلتلها داانا لو حتي كنت وافقت كنتو انتو المفروض ترفضو لانو دا جد واكبر منكو شخصيا وازاي اسيب عيالي واروح اخدمه دا راجل عجوز وروحت معيطه قام ابويا سمعني وقالي مسمعش صوتك لأكلك الشبشب واټخانق معايا.
ستي الله يرحمها قبل متموت كانت عايشه معاهم في نفس الاوضه وكانت بتديهم فلوس علشان هي كان ليها معاشو بالرغم اني كان طليقي كانت تقولي استحملي هتيجي هنا لمين يابنتي ابوكي وامك مش مستحملني انا وبديهم فلوس وبرضو مكنوش مستحملين ستي.
ادعولي ربنا يرزقني ويبدلي حالي علشان عيالي انا بحبهم اوي ومش قادره اسبهم وابوهم غير امين عليهم بالمره من غير مااجرح فيه.
